*** أنا و أمي و ستار أكاديمي!!!
ماما: متجيب كده القناه بتاعت الستار أكاديمي دي نشوف بيهببو إيه!!!
أنا: ستار أكاديمي إيه يا ماما بس اللي حانقعد نتفرج عليها دي!!!!
ماما: يابني منا عارفه هما يقرفوا !! هاتها كده بس نشوف الناس دي بتفكر إزاي و بيعملو إيه!!!! خمس دقايق بس!!!!
أنا (*وانا مش مصدق إني فعلاً حقعد أتفرج على الهبل ده*): حاضر ياماما ... أهو..!!
*...
*
*
*** بعد مرور ربع ساعه:
أنا: طب يا ماما مش خلاص بقه نجيب فيلم ولا أي حاجه تانيه!!!!
ماما (*و هي تنظر الى التليفزيون بقرف مع إنتباه شديد من غير متبصلي*): إستنا بس إنتا زهقان علشان أنت مش فاهم .. انا حفهمك ..أصل دي مروه هي مصريه و بتحب الواد الخليجي أبو شعر و شنب ده !! و هي ولا بتحبوا ولا طايقاه حتى... هي بس طبعاً عايزاه يسفرها و يصرف عليها!!! حاجه تقرف أنا عارفه بيجيبو الأشكال دي منين!!!!!!
أنا: طب ياماما منقلب بقه في دلوقتي على ----> ماما (مقاطعه بلهفه) : بص بص بسرعه بتاكل إزاي!!!!!انا مش عارفه إزاي بيطلعو الناس دي على التلفزيون كده!!! منك لله يا رولا يا سعد "*مديره الأكديميه*"!!!
أنا: طب يا ماما مدام حضرتك متضايقه كده منقلب و خلاص!!!!
ماما (و هي مش بصالي برضو!): لأ إستنا بس خليه... كده ولا كده مفيش حاجه في التليفزيون !!
أنا (*بعد إستسلامي و فقدان الأمل و شعوري المؤكد إننا حنقضي الليله أمام ستار زفت أكاديمي ده*) .. : ماشي يا ماما!!!! .........هممممم... و ده مين بقه؟؟؟؟؟ (*بملل و محاولة تقضية الوقت و خلاص*)
ماما (بإبتسامه رضا مكتومه إننا حنعمل أخيراً اللي هي عايزاه): بص يا سيدي بقى .. ده إسمو بشار دمو خفيف و صوتو مش وحش بس بيفوت الكلاسيس بتاعتو و يروح ينام ههههه و كمان إيه بقى بيحب البنت اللي إسمها.....إلخ إلخ إلخ ...!
*
*
*
*
**** بعد مرور ساعه و نص و الشاشه ضلمت و أقفلوا النور و الإرسال علشان ناموا خلاص....
أنا: هممم .. طب حقلب بقه يا ماما خلاص خلصوا...
ماما (بحزم): لأ إستنا ممكن حد يصحى فاجأه ولا حاجه!!!!!!!!!!!!!!!!
أنا (على طريقه أحمد شفيق) : هه..............................!!!!!!!!!!!
*
*
*
*****بعد مرور أسبوعان::
أنا (بصوت عالي) : يلااااااا مامااااااا بسرعه البرايم بتاع ستار أكاديمي حايبدأ خلاااااااص و چوزيف شكلوا حيغني الأغنيه اللي كان بيتمرن عليهاااا إمبارح!!!!!!
ماما: حاااااااضر يا حبيبي جايا حالاً... الفرايز اللي بتحب تاكلها ونتا بتتفرج قربت تخلص خلاص!!!
**مغزى القصه : كل حاجه في حاياتك قابله للتغير .. لا يوجد مستحيل .. نحن من نصنع المستحيل و نحن من نغيره إن أردنا ..!!
شكراً أمي...!! ((
أنا: ستار أكاديمي إيه يا ماما بس اللي حانقعد نتفرج عليها دي!!!!
ماما: يابني منا عارفه هما يقرفوا !! هاتها كده بس نشوف الناس دي بتفكر إزاي و بيعملو إيه!!!! خمس دقايق بس!!!!
أنا (*وانا مش مصدق إني فعلاً حقعد أتفرج على الهبل ده*): حاضر ياماما ... أهو..!!
*...
*
*
*** بعد مرور ربع ساعه:
أنا: طب يا ماما مش خلاص بقه نجيب فيلم ولا أي حاجه تانيه!!!!
ماما (*و هي تنظر الى التليفزيون بقرف مع إنتباه شديد من غير متبصلي*): إستنا بس إنتا زهقان علشان أنت مش فاهم .. انا حفهمك ..أصل دي مروه هي مصريه و بتحب الواد الخليجي أبو شعر و شنب ده !! و هي ولا بتحبوا ولا طايقاه حتى... هي بس طبعاً عايزاه يسفرها و يصرف عليها!!! حاجه تقرف أنا عارفه بيجيبو الأشكال دي منين!!!!!!
أنا: طب ياماما منقلب بقه في دلوقتي على ----> ماما (مقاطعه بلهفه) : بص بص بسرعه بتاكل إزاي!!!!!انا مش عارفه إزاي بيطلعو الناس دي على التلفزيون كده!!! منك لله يا رولا يا سعد "*مديره الأكديميه*"!!!
أنا: طب يا ماما مدام حضرتك متضايقه كده منقلب و خلاص!!!!
ماما (و هي مش بصالي برضو!): لأ إستنا بس خليه... كده ولا كده مفيش حاجه في التليفزيون !!
أنا (*بعد إستسلامي و فقدان الأمل و شعوري المؤكد إننا حنقضي الليله أمام ستار زفت أكاديمي ده*) .. : ماشي يا ماما!!!! .........هممممم... و ده مين بقه؟؟؟؟؟ (*بملل و محاولة تقضية الوقت و خلاص*)
ماما (بإبتسامه رضا مكتومه إننا حنعمل أخيراً اللي هي عايزاه): بص يا سيدي بقى .. ده إسمو بشار دمو خفيف و صوتو مش وحش بس بيفوت الكلاسيس بتاعتو و يروح ينام ههههه و كمان إيه بقى بيحب البنت اللي إسمها.....إلخ إلخ إلخ ...!
*
*
*
*
**** بعد مرور ساعه و نص و الشاشه ضلمت و أقفلوا النور و الإرسال علشان ناموا خلاص....
أنا: هممم .. طب حقلب بقه يا ماما خلاص خلصوا...
ماما (بحزم): لأ إستنا ممكن حد يصحى فاجأه ولا حاجه!!!!!!!!!!!!!!!!
أنا (على طريقه أحمد شفيق) : هه..............................!!!!!!!!!!!
*
*
*
*****بعد مرور أسبوعان::
أنا (بصوت عالي) : يلااااااا مامااااااا بسرعه البرايم بتاع ستار أكاديمي حايبدأ خلاااااااص و چوزيف شكلوا حيغني الأغنيه اللي كان بيتمرن عليهاااا إمبارح!!!!!!
ماما: حاااااااضر يا حبيبي جايا حالاً... الفرايز اللي بتحب تاكلها ونتا بتتفرج قربت تخلص خلاص!!!
**مغزى القصه : كل حاجه في حاياتك قابله للتغير .. لا يوجد مستحيل .. نحن من نصنع المستحيل و نحن من نغيره إن أردنا ..!!
شكراً أمي...!! ((
No comments:
Post a Comment