*** السوجاره الملعونه:
كنت أبص للي بيشرب سجاير نظرة تعجب شديده !!
مش فاهم إيه فكرة واحد ماسك حتت ورقه بيضه ملفوفه جواها حاجات بني شبه تفل الشاي و لازم و هو بيشد النفس يعمل وشو زي وش يوسف شعبان و هو بيشرب سجاير لما كان عامل محسن بيه في رأفت الهجان !!
كنت مثال الشاب الرياضي اللي صحته زي الفل ولا شيشه ولا سيجاره و لا أي حاجه حتى لامؤخذه النيسكويك كنت بقلل منو ...!!
و زي أي شاب محترم في أي فيلم عر...بي أبيض و أسود لازم يكون في واحد من صوحابوا يخليه مدمن و الواد ينام بليل يقعد يهرش و تعابين بتجري في جسموا في الأخر يضرب أمو و بعديها يتجتنن أو عربيه تخبطوا و هو بيجري في الشارع قدام باب العماره بتاعتو و يموت بعد مايقول لكل الناس اللي في الفيلم أنُ بيحبهم و ياريت تسامحوني ..!!!!!
ربنا محرمنيش من الصاحب ده الحمد لله .. هو بالظبط زي مابيقول "كتاب الصياعه للبيجينرز" ... الصديق الصايع اللي بيفهم في كل حاجه .. و إللي على طول بيتخانق يوم الخميس قدام النادي .. و اللي بيزوغ من المدرسه و يقف قدام الباب يتفرج على العيال الغلابه و هي خارجه و شايله شنطتها على ضهرها .. و اللي أمو مش بتكلموا بليل و هو خارج تقولو أنت فين و مع مين و يلا بقى أرجع الوقت أتأخر!!!
و أكيد طبعاً بيلبس سلسله فضه و بيحط چيل.. يعني من الأخر الواد المخلص اللي أي حد بيبوصلو بحرص نظره دهشه و أعجاب شديد!!!
الواد المنحرف: بقولك إيه متيجي معايا بليل خروجة حريم و كده .. حظبطك !!!
أنا: مممممم.. بس أنا عندي تمرين :(((
الواد: يا عم تمرين إيه!!إيه الجو السيس ده!!! بقولك حريم .. حرييييييييم!!!!
أنا (في محاوله إظهار الصياعه اللي جوايا): يا عم ماشي انا أصلاً كنت لسه الخميس اللي فات مش عارف أخلع من شوية حريم كده كانوا معايا (**مع العلم إن اليوم ده قديته قدام كرتون ماوكلي في التلفزيون بعد مرجعت من التمرين**) !!
الواد: طب متكلمهم يا شقيق كده يجوا معانا!!
أنا (وانا ببلع ريقي بصعوبه): أه طبعاً يا عم أستنى كده أرنلها على الموبايل بتاعها رنتين (*رنيت لبت غلبانه كده معايا في الدرس، فرنتلي بعديها*)!!
انا(بثقه) : شوفت بترنيلي قدامك أهو!!!
الواد: أه يابن اللعيبه!! شكلها بتحبك طحن فعلاً!!!
الواد: طب خلاص يا زميل إنت ظبط و يوم الخميس مع بعضينا هاهاهاهاهاااااوو (ضحكه شريره مش مفهومه).
المهم جه الخميس وانا طووول اليوم بفكر إزاي أقنع أمي إني أخرج و مرحش التمرين... مكنش فيه غير الخطه الأربعةعشر اللي بتجيب دايماً مع أمي!!
** أنا (راجع من المدرسه و لابس وش الحزن الفظيع) ..
ماما: إيه ده مالك يا حبيبي زعلان كده ليه!!؟؟
أنا (بأكتر وش كيوت و طيوب في الدنيا) : زعلان أوي يا ماما :((((
ماما (بلهفه ياعيني): ليه بس يا حبيبي إيه اللي حصل ؟؟ ميين زعلك؟؟؟
أنا: أصل واحد صحبي يا ماما في المدرسه مامتوا ياعيني تعبانه أوي و هو كان زعلان أوي يا ماما و كان قاعد بيعيط في الفصل طول اليوم حتى سندويتشاتو يا ماما سابها للداده !!!
ماما: إيه ده يا حبييبييييييي!!!!!!!!
أنا: أه يا ماما ..حتى كل صوحابنا في المدرسه متجمعين و رايحين يزوروه النهارده و كانوا عايزني أروح معاهم بس مش عارف أعمل إيه في تمرين النهارده!!!
ماما : تمرين إيه!!!!! روح طبعاً معاهم ده واجب و لازم تكون واقف جنب صاحبك...!
أنا (وانا جوايا برقص و باتشقلب على أنغام تيك تاك توك) : أه طبعاً يا ماما .. حاضر مش حاروح التمرين خلاص!!!!!!
** المهم أستحميت و لبست و بليت شعري و سرحته على طريقه السبايكي .. بس طبعاً وانا نازل لازم أمي تحط التاتش بتاعها و تقعد تنشفلي شعري بلكلينكس عشان مبردش و تديني بلوڤر معايا وانا نازل مع إننا لسه في الصيف!!!
*** قابلت صحبي قدام طيبه مول ...!!!
الواد (بيشد نفس من السيجاره و مديق عينو كده): بقلولك إيه الحريم اللي ظبط معاهم مش حايجوا حاجه بنت تيييت .. إنت إيه أخبار حريمك؟؟؟؟؟
أنا: يا عم دوول بتوع مامي و بابي .. قالتلي مامتها قال إيه مش عايزه تنزلها!!
الواد: خلاص ولا يهمك أنا حظبطك إحنا ننقي أي بنتين في المول و نظبط معاهم .. إمسك سيجاره !
أنا: يا عم أنا مليش أوي فيها بصراحه...
الواد: ملكش فيها!!! أنت فعلاً شكلك ملكش فيها!!! في راجل مبيشربش سجاير!!! أنت أبوك بيشرب ولا مبيشربش!!!؟؟؟؟؟
أنا (بكل براءه): لأ ولله العظيم بيشرب !!!!
الواد: طب ماهو تمام أهو أومال في إيه بقى !!؟ البنات تقول عليك إيه!!
أنا(في محاوله إظهار إني الواد الفاقد اللي مخلص) : ياعم فل أنا كنت بشرب بس مبطل شويه أريح صدري أصلي كنت حريقه!!
الواد: بتريح!! بتريح من إيه !!! هو إنت بتجري و إنت بتشرب هاهاهاهاهاهاهاااااااو (ضحكه رزله و سخيفه)!!!
أنا (مبتسم): لا لا عادي .. طب هات يا عم أنا أصلاً السجاير وحشاني !!!
إداني سيجاره و ولاعه علشان أولعها و هنا كان التحدي الحقيقي إزاي أولع أم السيجاره دي!! طبعاً الولاعه كل شويه تطفي مني و مره تانيه كنت حاحرق مناخيري و حاله من التوتر و القلق الغير طبيعي !!
الواد: إيه يا شقيق مالك شفت بقه إيدك تقلت إزاي !!!! هاهاهاهاهاهااااووو يابني شد جامد شددددد هاهاهاهاهاهااااا
أنا في سري (يلعن أبو شكلك يا أخي) .. المهم السيجاره ولعت أخيراً .. سحبت نفس خفيف كده .. و كانت الفضيحه يا باشا !!! كحه و وشي إحمر و إزرق و إخضر ولا واحد عندوا تمانين سنه !!!!!!!!!!!
الواد (الرخم): هاهاهاها إيه يا بطل السيجاره قرصتك في صدرك ولا إيييه هاهاهاهاهااااااوووو!!!! بص يا زميل السحب عامل إزااااي .. أهووو كده كده "مع صوت سحب أنفاس متتاليه سريعه عميقه ولا صوت مكنسة أمي اللي بتصحينا يوم الجمعه الصبح !!!!
المهم الواد صحبي المنحرف إداني علبة سجاير هوم ورك علشان أتمرن و صدري دايماً يبقى "شغال حلاوه" (- هو قال كده-) و إيداني لبان تشيكلتز أصفر عشان الريحه!!!
المهم اليوم المهبب ده خلص أخيراً و روحت البيت وانا مصمم إني لازم أحترف السجاير عشان الموقف الزباله ده مايتكررش تاني .. طبعاً كنت مصدع من أم السجاير اللي شربتاها دي و صوت ضحكو المزعج !!!
ماما (من على الباب حضنتني): ها يا حبيبي طمني عملت إيه !!؟؟
أنا (في محاوله إنهاء الحضن ده في أسرع وقت ممكن): لأ الحمد لله يا ماما هو بخير
ماما (تقريباً الوسواس إشتغل فمسكت فيا أكتر في محاوله تسبيتي في حضنها لغايت متخلص شم!!) : ربنا يا رب يشفي كل مريض
أنا (بدأ نفسي يتقطع فعلاً في حضنها): يا رب يا ماما يا رب إدعيلوا
ماما( تقريباً مهمتها خلصت): حادعيلو .. و حادعيلك إنت كمان!!!!!!!!
أنا(في محاوله إنهاء اليوم بسرعه و بسلام): طب ماما أنا حدخل أنام بقى عشان أصحى بكره بدري عشان أذاكر!!!!!
دخلت أوضتي و خبيت علبة السجاير جوا بنطلون و حتيطو في أخر حته في الدولاب و نمت ....
المهم نمت و جاتني الغاليه كلوديا شيفر في الحلم قاعدين في جنينه خضره كبييييييره و قدامنا بحيره زرقه جميله و الجو مشمس.. قاعدين على مفرش أحمر في أبيض و راسي على رجليها و هي قاعده بتحاول تحط السيجاره في بقي بتريقه شقيه و لذيذه ...
أنا: لأ بلاش يا حبيبتي
كلوديا: لأ إشرب علشان خاطري
أنا: يا روحي مش قادر
كلوديا (وهي بتحطها بالعفيه): لأ لازم تشربها واحده بس علشان خاطري ... يلااا بقى
يلاااااا يلاااااااا يلاااااااااااااااا قووووووووووووووووووم !!!!!!!!--> ("أمي في وشي و هي بتصحيني الصبح"): يلااااااااااا قوووووووووووووووم عشان تشرب سجاير يلاااااااااااا و هي ماسكه علبة السجاير و بتديني سيجاره بالعفيه في بوقي !!!!!!!
مافيش داعي لذكر أحداث باقي اليوم ...!!!!
المهم إني في النهايه إكتشفت بعد درس أمي القاسي .. إن الراجل مش بالسيجاره اللي في إيدو أو السلسله اللي في رقبته .. الراجل بأخلاقه و إحترامه لغيره و لنفسه... فتباً لكي أيتها السوجاره الملعونه !!!
#ذكرياتي_مع_أمي
كنت أبص للي بيشرب سجاير نظرة تعجب شديده !!
مش فاهم إيه فكرة واحد ماسك حتت ورقه بيضه ملفوفه جواها حاجات بني شبه تفل الشاي و لازم و هو بيشد النفس يعمل وشو زي وش يوسف شعبان و هو بيشرب سجاير لما كان عامل محسن بيه في رأفت الهجان !!
كنت مثال الشاب الرياضي اللي صحته زي الفل ولا شيشه ولا سيجاره و لا أي حاجه حتى لامؤخذه النيسكويك كنت بقلل منو ...!!
و زي أي شاب محترم في أي فيلم عر...بي أبيض و أسود لازم يكون في واحد من صوحابوا يخليه مدمن و الواد ينام بليل يقعد يهرش و تعابين بتجري في جسموا في الأخر يضرب أمو و بعديها يتجتنن أو عربيه تخبطوا و هو بيجري في الشارع قدام باب العماره بتاعتو و يموت بعد مايقول لكل الناس اللي في الفيلم أنُ بيحبهم و ياريت تسامحوني ..!!!!!
ربنا محرمنيش من الصاحب ده الحمد لله .. هو بالظبط زي مابيقول "كتاب الصياعه للبيجينرز" ... الصديق الصايع اللي بيفهم في كل حاجه .. و إللي على طول بيتخانق يوم الخميس قدام النادي .. و اللي بيزوغ من المدرسه و يقف قدام الباب يتفرج على العيال الغلابه و هي خارجه و شايله شنطتها على ضهرها .. و اللي أمو مش بتكلموا بليل و هو خارج تقولو أنت فين و مع مين و يلا بقى أرجع الوقت أتأخر!!!
و أكيد طبعاً بيلبس سلسله فضه و بيحط چيل.. يعني من الأخر الواد المخلص اللي أي حد بيبوصلو بحرص نظره دهشه و أعجاب شديد!!!
الواد المنحرف: بقولك إيه متيجي معايا بليل خروجة حريم و كده .. حظبطك !!!
أنا: مممممم.. بس أنا عندي تمرين :(((
الواد: يا عم تمرين إيه!!إيه الجو السيس ده!!! بقولك حريم .. حرييييييييم!!!!
أنا (في محاوله إظهار الصياعه اللي جوايا): يا عم ماشي انا أصلاً كنت لسه الخميس اللي فات مش عارف أخلع من شوية حريم كده كانوا معايا (**مع العلم إن اليوم ده قديته قدام كرتون ماوكلي في التلفزيون بعد مرجعت من التمرين**) !!
الواد: طب متكلمهم يا شقيق كده يجوا معانا!!
أنا (وانا ببلع ريقي بصعوبه): أه طبعاً يا عم أستنى كده أرنلها على الموبايل بتاعها رنتين (*رنيت لبت غلبانه كده معايا في الدرس، فرنتلي بعديها*)!!
انا(بثقه) : شوفت بترنيلي قدامك أهو!!!
الواد: أه يابن اللعيبه!! شكلها بتحبك طحن فعلاً!!!
الواد: طب خلاص يا زميل إنت ظبط و يوم الخميس مع بعضينا هاهاهاهاهاااااوو (ضحكه شريره مش مفهومه).
المهم جه الخميس وانا طووول اليوم بفكر إزاي أقنع أمي إني أخرج و مرحش التمرين... مكنش فيه غير الخطه الأربعةعشر اللي بتجيب دايماً مع أمي!!
** أنا (راجع من المدرسه و لابس وش الحزن الفظيع) ..
ماما: إيه ده مالك يا حبيبي زعلان كده ليه!!؟؟
أنا (بأكتر وش كيوت و طيوب في الدنيا) : زعلان أوي يا ماما :((((
ماما (بلهفه ياعيني): ليه بس يا حبيبي إيه اللي حصل ؟؟ ميين زعلك؟؟؟
أنا: أصل واحد صحبي يا ماما في المدرسه مامتوا ياعيني تعبانه أوي و هو كان زعلان أوي يا ماما و كان قاعد بيعيط في الفصل طول اليوم حتى سندويتشاتو يا ماما سابها للداده !!!
ماما: إيه ده يا حبييبييييييي!!!!!!!!
أنا: أه يا ماما ..حتى كل صوحابنا في المدرسه متجمعين و رايحين يزوروه النهارده و كانوا عايزني أروح معاهم بس مش عارف أعمل إيه في تمرين النهارده!!!
ماما : تمرين إيه!!!!! روح طبعاً معاهم ده واجب و لازم تكون واقف جنب صاحبك...!
أنا (وانا جوايا برقص و باتشقلب على أنغام تيك تاك توك) : أه طبعاً يا ماما .. حاضر مش حاروح التمرين خلاص!!!!!!
** المهم أستحميت و لبست و بليت شعري و سرحته على طريقه السبايكي .. بس طبعاً وانا نازل لازم أمي تحط التاتش بتاعها و تقعد تنشفلي شعري بلكلينكس عشان مبردش و تديني بلوڤر معايا وانا نازل مع إننا لسه في الصيف!!!
*** قابلت صحبي قدام طيبه مول ...!!!
الواد (بيشد نفس من السيجاره و مديق عينو كده): بقلولك إيه الحريم اللي ظبط معاهم مش حايجوا حاجه بنت تيييت .. إنت إيه أخبار حريمك؟؟؟؟؟
أنا: يا عم دوول بتوع مامي و بابي .. قالتلي مامتها قال إيه مش عايزه تنزلها!!
الواد: خلاص ولا يهمك أنا حظبطك إحنا ننقي أي بنتين في المول و نظبط معاهم .. إمسك سيجاره !
أنا: يا عم أنا مليش أوي فيها بصراحه...
الواد: ملكش فيها!!! أنت فعلاً شكلك ملكش فيها!!! في راجل مبيشربش سجاير!!! أنت أبوك بيشرب ولا مبيشربش!!!؟؟؟؟؟
أنا (بكل براءه): لأ ولله العظيم بيشرب !!!!
الواد: طب ماهو تمام أهو أومال في إيه بقى !!؟ البنات تقول عليك إيه!!
أنا(في محاوله إظهار إني الواد الفاقد اللي مخلص) : ياعم فل أنا كنت بشرب بس مبطل شويه أريح صدري أصلي كنت حريقه!!
الواد: بتريح!! بتريح من إيه !!! هو إنت بتجري و إنت بتشرب هاهاهاهاهاهاهاااااااو (ضحكه رزله و سخيفه)!!!
أنا (مبتسم): لا لا عادي .. طب هات يا عم أنا أصلاً السجاير وحشاني !!!
إداني سيجاره و ولاعه علشان أولعها و هنا كان التحدي الحقيقي إزاي أولع أم السيجاره دي!! طبعاً الولاعه كل شويه تطفي مني و مره تانيه كنت حاحرق مناخيري و حاله من التوتر و القلق الغير طبيعي !!
الواد: إيه يا شقيق مالك شفت بقه إيدك تقلت إزاي !!!! هاهاهاهاهاهااااووو يابني شد جامد شددددد هاهاهاهاهاهااااا
أنا في سري (يلعن أبو شكلك يا أخي) .. المهم السيجاره ولعت أخيراً .. سحبت نفس خفيف كده .. و كانت الفضيحه يا باشا !!! كحه و وشي إحمر و إزرق و إخضر ولا واحد عندوا تمانين سنه !!!!!!!!!!!
الواد (الرخم): هاهاهاها إيه يا بطل السيجاره قرصتك في صدرك ولا إيييه هاهاهاهاهااااااوووو!!!! بص يا زميل السحب عامل إزااااي .. أهووو كده كده "مع صوت سحب أنفاس متتاليه سريعه عميقه ولا صوت مكنسة أمي اللي بتصحينا يوم الجمعه الصبح !!!!
المهم الواد صحبي المنحرف إداني علبة سجاير هوم ورك علشان أتمرن و صدري دايماً يبقى "شغال حلاوه" (- هو قال كده-) و إيداني لبان تشيكلتز أصفر عشان الريحه!!!
المهم اليوم المهبب ده خلص أخيراً و روحت البيت وانا مصمم إني لازم أحترف السجاير عشان الموقف الزباله ده مايتكررش تاني .. طبعاً كنت مصدع من أم السجاير اللي شربتاها دي و صوت ضحكو المزعج !!!
ماما (من على الباب حضنتني): ها يا حبيبي طمني عملت إيه !!؟؟
أنا (في محاوله إنهاء الحضن ده في أسرع وقت ممكن): لأ الحمد لله يا ماما هو بخير
ماما (تقريباً الوسواس إشتغل فمسكت فيا أكتر في محاوله تسبيتي في حضنها لغايت متخلص شم!!) : ربنا يا رب يشفي كل مريض
أنا (بدأ نفسي يتقطع فعلاً في حضنها): يا رب يا ماما يا رب إدعيلوا
ماما( تقريباً مهمتها خلصت): حادعيلو .. و حادعيلك إنت كمان!!!!!!!!
أنا(في محاوله إنهاء اليوم بسرعه و بسلام): طب ماما أنا حدخل أنام بقى عشان أصحى بكره بدري عشان أذاكر!!!!!
دخلت أوضتي و خبيت علبة السجاير جوا بنطلون و حتيطو في أخر حته في الدولاب و نمت ....
المهم نمت و جاتني الغاليه كلوديا شيفر في الحلم قاعدين في جنينه خضره كبييييييره و قدامنا بحيره زرقه جميله و الجو مشمس.. قاعدين على مفرش أحمر في أبيض و راسي على رجليها و هي قاعده بتحاول تحط السيجاره في بقي بتريقه شقيه و لذيذه ...
أنا: لأ بلاش يا حبيبتي
كلوديا: لأ إشرب علشان خاطري
أنا: يا روحي مش قادر
كلوديا (وهي بتحطها بالعفيه): لأ لازم تشربها واحده بس علشان خاطري ... يلااا بقى
يلاااااا يلاااااااا يلاااااااااااااااا قووووووووووووووووووم !!!!!!!!--> ("أمي في وشي و هي بتصحيني الصبح"): يلااااااااااا قوووووووووووووووم عشان تشرب سجاير يلاااااااااااا و هي ماسكه علبة السجاير و بتديني سيجاره بالعفيه في بوقي !!!!!!!
مافيش داعي لذكر أحداث باقي اليوم ...!!!!
المهم إني في النهايه إكتشفت بعد درس أمي القاسي .. إن الراجل مش بالسيجاره اللي في إيدو أو السلسله اللي في رقبته .. الراجل بأخلاقه و إحترامه لغيره و لنفسه... فتباً لكي أيتها السوجاره الملعونه !!!
#ذكرياتي_مع_أمي
This one cracked me up with laughter :D
ReplyDelete